الفريق الوطنى

[فوزي الاحمدي]

اخر الاخبار من معسكر الخضر تقول ان قغولي يمكنه المشاركة بعد منحه الضوء الاخضر من قبل الطبيب والتشكيلة التي ستواجه الطوغو ستكون كالاتي
مبولحي

مصباح حليش بلكالام مهدي مصطفى


لحسن قديورة

فغولي قادير

سوداني سليماني

الخطة 4/4/2 خطة هجومية محضة

واش رايكم وماهى توقعاتكم ؟؟؟؟؟؟؟؟؟؟؟؟؟
ماهي لابارصا لاريال هذو محاربي الصحراء

 

[salim42]

منفهمش في البلوطة مليح بصح راني نشوف بلي مكانش حل اخر غير هذا الهجوم وصايي منين يبدا الماتش تنوض الطايرة تسخن المتور اذا ربحنا نكملو ونطفوا المتور واذا خسرنا من ثما ونقلعو نيشن ههههه

 

[hasni]

خلاص خويا فوزي ولا تتننظر منهم شي ضيعو 3 نقاط ثمينة امام تونس والان يريدون التعويض امام الطوغو وكوت ايفوار
لا اشاهد المبارة كي لا يوجعني راسي :Rules:

 

[zahaf]

اتمنى الفوز فقط

بهاته التشكيلة او غيرها

لان في اي تشكيلة يكن هناك نقص

ســلام

 

[El_Hakim_Gsm]

خلاص خويا فوزي ولا تتننظر منهم شي ضيعو 3 نقاط ثمينة امام تونس والان يريدون التعويض امام الطوغو وكوت ايفوار
لا اشاهد المبارة كي لا يوجعني راسي :Rules:

والله كلام صحيح يا اخي رشيد حتى انا ما نتفرجش .وفي نظري اذا لعبوا بالطريقة انتاع الماتش الي ضيعوه مجرد سيطرة عقيمة على الكرة ....طريقهم قصيرة بزززززززززاف.

 

[AbdouDzGsm]

أنا عندي آمال ضعيفة وشبه منعدمة
راني خايف لعشية يرفدو الكابا تاعهوم ويجيو

 

[فوزي الاحمدي]

راكم كامل تهدرو بارك تلحق السبعة
تلاقاو رواحكم مسمرين قدام التلفزيون
وتناصرو في الخضر
ههههههههههههههههههههههههههههههه

 

[MED LAMINE]

انا نتفرج الماتش رابحين ولا خاسرين وهذا القماش وهذي لكيب نتاعنا حبينا ولا كرهنا ولازم نشعوهم اكثر واكثر تصوروا من عقود لم نكون فريق محترم بسبب التغييرات مكانش لي بناء قصر في نهار يا جماعة الخير لازم نجو من بعيد وسبب تحطيم الفريق ليس وحيد حليلوزيتش بل بن شيخة هو لي خرب كل ما بناه سعدان واعاد الفريق الى تحت الصفر ديروا في بالكم رانا خارجين الى الصفر وليس الى المجد ونتمنى الفريق يفعلها هذه المرة مع الطوجو ان لم يفعلها من بكري مناش طامعين شوف مصر فقط كمثال وين كانو وضرك راهم مكانش خلاص كرة القدم مثل البورصة تغيرها المعطيات وتتغير حسب المناخ

 

[hasni]

أنا عندي آمال ضعيفة وشبه منعدمة
راني خايف لعشية يرفدو الكابا تاعهوم ويجيو

ما تخاف والو خويا عبد النور كلامك صح واكيد ....

 

[hasni]

راكم كامل تهدرو بارك تلحق السبعة
تلاقاو رواحكم مسمرين قدام التلفزيون
وتناصرو في الخضر
ههههههههههههههههههههههههههههههه

نعم خويا فوزي عندي روح وحب الوطن راني نخرج واش راه في قلبي
ممكن نتفرج :bangin:

 

[hasni]

انا نتفرج الماتش رابحين ولا خاسرين وهذا القماش وهذي لكيب نتاعنا حبينا ولا كرهنا ولازم نشعوهم اكثر واكثر تصوروا من عقود لم نكون فريق محترم بسبب التغييرات مكانش لي بناء قصر في نهار يا جماعة الخير لازم نجو من بعيد وسبب تحطيم الفريق ليس وحيد حليلوزيتش بل بن شيخة هو لي خرب كل ما بناه سعدان واعاد الفريق الى تحت الصفر ديروا في بالكم رانا خارجين الى الصفر وليس الى المجد ونتمنى الفريق يفعلها هذه المرة مع الطوجو ان لم يفعلها من بكري مناش طامعين شوف مصر فقط كمثال وين كانو وضرك راهم مكانش خلاص كرة القدم مثل البورصة تغيرها المعطيات وتتغير حسب المناخ

شكرا خويا محمد وعجبتني في كلامك خصوصا مع بن شخة هو اللي خرب لنا الفريق وطيح المورال ل37 مليون جزائري

 

[فوزي الاحمدي]

موعد مباراة الجزائر حسب توقبت عواصم وأهم مدن العالم
يمكن للجالية الجزائرية القاطنة في مختلف بقاع العالم، ولهواة مباريات المنتخب الجزائري، مشاهدة لقاء (الجزائر- الطوغو) أمسية اليوم حسب الجدول الزمني التالي الذي يبين موعد المواجهة المصيرية لمنتخبنا الوطني حسب التوقيت المحلي لأهم مدن وعواصم العالم:
(18:00) بالتوقيت العالمي (غرينتش)
(10:00) لوس أنجلس
(12:00) ميكسيكو، شيكاغو
(13:00) مونتريال، تورونتو، نيو يورك، ميامي
(16:00) ريو دي جانيرو، ساوباولو
(18:00) لندن، لشبونة، الدار البيضاء
(19:00) الجزائر، تونس، باريس، برلين، روما، مدريد
(20:00) أثينا، أنقرة
(21:00) مكة المكرمة، الكويت، المنامة، الدوحة
(22:00) دبي، أبو طبي، مسقط
(00:00) نيودلهي
(1:00) جاكارتا، بانكوك
(2:00) بيكين، شانغهاي
(3:00) طوكيو، سيول
(5:00) ميلبورن، سيدني

لناس لي رايحة تتفرج ههههههههههههههههههههههههههه
ربي يجيب الخير رغم انه رانى حاس بلي نربحو 2/1

 

[hasni]

رانى حاس بلي نربحو :hysterical::hysterical::hysterical::hysterical::hysterical:2/1
صبر روحك خويا فوزي
تفائلوا حيرا نجدوه وان شاء الله تكون النتيجة لصالحنا ولما لا

 

[فوزي الاحمدي]

رانى حاس بلي نربحو :hysterical::hysterical::hysterical::hysterical::hysterical:2/1
صبر روحك خويا فوزي
تفائلوا حيرا نجدوه وان شاء الله تكون النتيجة لصالحنا ولما لا

بعد 05 ساعات نشوفو خويا حسنى
بصح ماتش كوديفوار مانضملكش ههههههههههههههههههههههههههه

 

[MED LAMINE]

لا اتكلم على النتيجة اهم شيئ ثلاثة نقاط تحفظ ماء الوجه وتبعد علينا التبهديل صديقي رشيد دير الكوراج وتفرج الماتش هههههههههه

 

[فوزي الاحمدي]

لا اتكلم على النتيجة اهم شيئ ثلاثة نقاط تحفظ ماء الوجه وتبعد علينا التبهديل صديقي رشيد دير الكوراج وتفرج الماتش هههههههههه

شوف عمى محمد على السبعة تلقى المنتدى يصفر
الناس كامل مسمرا قدام التلفاز
ربي يكون في عون لكراسى لي عند فيصل
هههههههههههههههههههههههههههههههه

 

[MED LAMINE]

بعد 05 ساعات نشوفو خويا حسنى
بصح ماتش كوديفوار مانضملكش ههههههههههههههههههههههههههه

المهم منروحوش حنا لولين خويا فوزي كيما قال الاخ لي موتور نتع الطياراة مزالو سخونين كي نربحو الطوجو يبردو ونطولو شويه في جنوب افريقيا هههههههه اما عمي دروغبا وجماعتو راهي عندهم عقدة من الجزائر خاصتا وانا مدربهم راه ضدهم ضرك ويعرف العقلية نتع عمي ديديه هههههههه

 

[فوزي الاحمدي]

المهم منروحوش حنا لولين خويا فوزي كيما قال الاخ لي موتور نتع الطياراة مزالو سخونين كي نربحو الطوجو يبردو ونطولو شويه في جنوب افريقيا هههههههه اما عمي دروغبا وجماعتو راهي عندهم عقدة من الجزائر خاصتا وانا مدربهم راه ضدهم ضرك ويعرف العقلية نتع عمي ديديه هههههههه

انا مع دروقبا وكالو وجرفينيو ماعنديش امل مانعرف ربي يجيب الخير نبداو بالطوغو ومباعد ساهل

 

[MED LAMINE]

شوف عمى محمد على السبعة تلقى المنتدى يصفر
الناس كامل مسمرا قدام التلفاز
ربي يكون في عون لكراسى لي عند فيصل
هههههههههههههههههههههههههههههههه

انا ضد التكسير وتفراغ الغش في الحوايج هذي في الاول كرة والشيئ الوحيد الذي يجلنا نفتخر بالفريق فقط وفقط عندم توضع النخبة الجزائرية على الطاولة ويبدا التحليل في الجزيرة ولا في قناة اخرى اما باقي الايام واحد ما يجيب سيرة واحد مجردة فرحة وتخلاص وتاريخ يسجل بالسالب او الموجب الشيئ الذي لا اتحمله فعله هو النتيجة الثقيلة كي نتع المغرب مع جنرال الثعالب بن شيخة

 

[فوزي الاحمدي]

لاعبو "الخضر" في نزهة تأهّبا لمواجهة الطوغو