من اقوال وحكم اجدادنا

رد: من اقوال وحكم اجدادنا

الصمت حكمة ومنه تتفرق لحكايم ولو ما نطق ولد اليمامة ما يجيه الحنش هايم
لا تسرج العود حتى تلجمه واعقد عقدة صحيحة ولا تتكلم حتى تخمم لتعودلك فضيحة
 
رد: من اقوال وحكم اجدادنا

لا يغرك نوار الدفلة في الواد داير ضلايل ولا يغرك زين الطفلة حتى تشوف الفعايل :icon30:
 
رد: من اقوال وحكم اجدادنا

-كي غابت الطيور جات الهامة تدور . "الهامة = البومة "
-اللي متغطي بتاع الناس عريان .

ماشاء الله عليك عمي موضوع ممتاز وان شاء الله نجمع اكبر الامثال هنا في هذا الموضوع .
 
رد: من اقوال وحكم اجدادنا

hasni قال:
-كي غابت الطيور جات الهامة تدور . "الهامة = البومة "
-اللي متغطي بتاع الناس عريان .

ماشاء الله عليك عمي موضوع ممتاز وان شاء الله نجمع اكبر الامثال هنا في هذا الموضوع .
أنقر للتوسيع...

فعلا اخي رشيد الموضوع ممتاز ونتمنى ان يثبت ولا نريد امتلة او حكم جديدة
 
رد: من اقوال وحكم اجدادنا

- الي فاتك بليلة فاتك بحيلة
- الي ما شبع من القصعة ما يشبع من لحيسها
- خوك خوك و لا يغرك صاحبك
- جا يسعى ودر تسعة
- كثير لصحاب يقعد بلا صاحب
- نيتك مطيتك
- راح الزمان بناسه وجاء ها الزمان بفاسه وكل من تكلم بالحق كسر لو راسه
 
رد: من اقوال وحكم اجدادنا

- الزعاف يخرج السر
- الفم المزموم ما يدخله الذبان
- الجار قبل الدار
- كم من قبة تنزار ومولاها في النار
- عام يكثر التبن يكثر اللبن
- الي ماهوليك يعييك
- حماري ولاعود (حصان) الناس
 
رد: من اقوال وحكم اجدادنا

شكرا لكل من رد في هذا الموضوع كما نرجوا مشاركة كل اعضاء المنتدى وليس فقط المشرفين او بالاحرى طاقم الادارة
الموضوع متاح للجميع وارجوا المشاركة من الجميع .
 
رد: من اقوال وحكم اجدادنا

- خرج من الحبس طاح في بابه
- الجرب حكاك و الخائن شكاك
- لي يتبع الاولاد داه الواد
- هو في الموت وعينيه في الحوت
 
رد: من اقوال وحكم اجدادنا

- خوذ راي اللي يبكيك ويبكي معاك وماتخذش راي اللي يضحكك ويضحك عليك
 
رد: من اقوال وحكم اجدادنا

اللي باعك بالفول بيعو بقشورو
 
يجب تسجيل الدخول أو التسجيل كي تتمكن من الرد هنا.
عودة
أعلى