قمة الذكريات

[Hamza42]

ياحسراه كي كنا صغار شكون ما يشفاش على شوينغوم كلاكو هههههه
كانت هناك أربع صور نادرة ساذكركم بواحدة و انتم عليكم يالباقي
الجمل كان مفقود
​

 

[FaYsSaL_GsM]

والله ذكرايت قمة
أنا على نفسي شريتهم بصح صراحة بدا الواحد ينسى شوية
ربي يحفظك خوية

 

[Hamza42]

معليش خويا فيصل في انتظار دخول باقي الاعضاء
كيما خويا نافع علابالي عندو ذاكرة قوية و إن شاء الله يلقانا بقية الصور المفقودة
ههههههههه

 

[farouk]

يا للذكريات الجميلة

عن نفسي اشتريت في وقتها علبة كاملة من أجل صورة الجمل

لارسال الصور عبر البريد ولكن لم أجدها

فعلا أشياء نادرة

بالنسبة للصور نسيتها
​

 

[MED LAMINE]

يحصرااااااااااااه على زمان والله الواحد يحس بواحد الاحساس يرجعو لطفولتو ربي يحفظك اخي الكريم:coffee1:

 

[Hamza42]

شكرا جزيلا أخي محمد الأمين

 

[nanou255]

​

ياحصراه على زمان واش كنا نشروه :grindance: ماشفيتش على الصورة المفقودة لكن شفيت الصورة اللي كنت نلقاها دايما غير هي لموجودة بكثرة نتاع القرد :hysterical::hysterical::hysterical:
كانت النية يكلخونا وخلاص اه وشكولا نتاع الروز شكون ماشرهاش :hysterical::hysterical::hysterical:

 

[hasni]

راني هنا خويا والله دراهمي راحو في هذا العلكة الحاجة النادرة كانت القط هههههههه
وكانو يهفونا باش نربحوا كاسيت وانت تخيرها تكون شرقي او شعبي او راي
يا حصراه على يمات زمان ياه

 

[Redha]

راح جيل النية و جا جيل نقولو ربي يجيب الخير و يصلحنا في ذريتنا امين
رجعتنا لايام زمان اكثر من 30 سنة اه

 

[Hamza42]

الله يخليكم يا خاوتي نشفى مليح كان الجمل نادر بزاف هو و الحصان و الديك و الخروف على حساب واش نشفى أما القط و الله نسيت خويا حسني
شكرا على التذكير